په ژوند کې د ښځې اهمیت

په ژوند کې د ښځې اهمیت د خاوند په ژوند کې ښځه څومره اهمیت لري، په دې لیکنه کې پرې پوهیدلای شئ. یو سړی وایې، چې دفتر ته د تګ په مهال به یې هره ورځ میرمنې هغه ته د یو څه نه یو څه یادونه حتمي کوله چې د موټر کیلې مو هیره کړئ، خپل لاسي ساعت مو نه دی اخیستی، د جېب بټوه درنه دلته پاتې شوې ده او داسې نور.

وايې، چې ما به د دې هر څه په لیدو ډېر د شرم احساس کاوه،چې زما مېرمن ماته د دې شیانو په رایادولو داسې فکر کوي، چې زه ګوندي هېرجن یم.

یوه شپه مخکې له ویده کیدو دمخه ما د هرڅه لیست (چې ما له ځانه سره اخیسته) جوړ کړ. سهار پاڅیدم او د لیست دمخه مې هر شی ټیک مار (په نښه) کاوه او په جیب کې مې اچاوه. همدا چې په موټر کې کېناستم نو … مېرمنه مې په ​​دروازه کې راڅرګنده شوه، له ویاړه یې سر وځړاوه او ماته یې په طنز سره کتل.

ما هم ورته له ورایه وویل چې بس دی نور؛ ما نن هېڅ نه دي هیر کړي او ستا د ټولو تیرو یادونو لپاره درڅخه ډېره مننه. مېرمنې مې راته وویل: ځه سړیه، دا هر څه خو ډېر ښه دي، خو اوس راځه راستون شه او بیرته ویده شه، ځکه چې نن د جمعې ورځ ده.